Ka kper skul, ka jaka ban pyniar ia ka pyrkhat pyrdain ki khynnah

By Mrs Hebi Suting, Head Teacher of RCUP Umsawwar School

RCLP and RCUP Umsawwar School Garden

Ka RCLP bad ka RCUP Umsawwar kala sdang ia ka kper skul ha u snem 2016. Ha une u snem ki jingthung ba ki thung ki kynthup kum u tyrso, kubi, muli, salad, presbin, rymbai, motor bad kiwei kiwei. Shuh shuh, da ka jingprat lynti bad ka jingaimut jong ka North East Slow Food and Agrobiodiversity Society (NESFAS) kala nang kham suhthied ha ka jingmut jongngi ki nonghikai. Da ka jingai jingmut jong ki nongtrei ka NESFAS ngi lah lah ban iatreilang bad ki dkhot jong ka School Manaegment Committee kynthup ki kmie ki kpa.

Naduh badon ka kper skul, ki khynnah skul bad ruh ki nonghikai ki sngewtynnad shibun. Ka jingdon ka kper skul ka pynitynnad bad ka pynphuh pynphieng ia ka skul. Ka la long ruh kum kawei na ki rynsan kaba ai jinghikai ia ki khynnah,kumno ba kin nang ban thung ban tep. Ka ai jinghikai ha kaba iadei bad ka rep ka riang ba kumno u/ka khynnah naduh dangrit kin tip shaphang ka rep ka riang naduh ka thung ka tep, ban sumar bad ban bam ruh ia ki barabor khnang ban tei ia ka met ka phad.

Ka kper skul ka la ai shibun ki jingmyntoi ia ki khynnah,namar ia kine ki jhur ba kheit na kper la pyndonkam ban bam lang bad ka ja sngi ha skul (midday meal) .Ki jhur kiba mih na ka kper ki long kiba bha bad ba tei ia ka met namar ha ka por thung ia ki ym shym la pyndonkam dawai, hynrei la pyndonkam tang ka sboh ba ioh na ki jingthung bad ki jingri.

Ha ka sngi basdang ban thung ia ki jhur baroh ki nonghikai bad ki khynnah skul ki ia treilang. Kum ha ka ban puh ia ka khyndew ban tih thliew bad buh sboh,bet symbai bad kiwei kiwei. Hadien ba ladep thung, kila don la ki jong ki jong ki kynhun ki khynnah skul ba lajied kyrpang ban peit ia ka jingdonkam baroh kum ha ka ban ai um bad pynkhuid ia ki niut.

Hapoh ka skul, ki don ruh ka Children Committee ha kaba ia ki khynnah la phiah ha ki lai tylli ki group. Kita ki kynthup: School garden committee, WASH committee bad ka Midday meal committee.

Ha ka school garden committee ki khynnah ki dei ban peit hadien ba la dep thung kumno ban sumar ban pynkhuid ia ki nuit, ban kheit ki jhur bad ban sumar ia ka kper skul ban pynwandur janai iaka. Ha ka WASH committee ki khynnah kin peit bad pynkhuid ia ka skul ban peit ia ki class room, ki painkhana ba ki dei ban long kiba khuid. Ha ka Midday meal Committee ki khynnah ki peit kumno ba ka kamra shet kadei ban long kaba khuid da kaba sait pynkhuid bha ia ka bad ki tiarsher. Shuwa ban bam ruh kane ka committee ka peit sani bha ia ka rukom sait kti. Haba wan kum kane ka khlam Coronavirus, ka jinghikai ban saitkti iaki khynnah kala iarap shisha. Da kaba leh kumne ki khynnah ki ia tip bad sngewthuh ia la ki kamram ba ki dei ban pyndep.

Students of RCLP and RCUP Umsawwar School get busy in their school garden activity

 

Comments

comments

Nesfas on Youtube
Nesfas
This entry was posted in BLOG and tagged . Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.